Týsdagin, 1. novembyr vóru norskir sjónleikarar í Kollafjarðar skúla og vístu sjónleik fyri næmingunum í 2.- 5. flokki.
Søgan, sum sjónleikurn bygdi á, var ein gomul grønlendsk søgn um tilknýti menniskjans til sjógvin. Langt niðri á havsins botni, í djúpasta myrkri, á eini ístrónu, situr Sedna. Hár hennara hongur sítt um akslar, tjúkt og samanfløkt av ruski frá menniskjum. Í mong túsund ár hevur hon sent teimum treingjandi fisk og havdjór, men nú hava tey gjørt hana vánda og illa í huga.
